Minister di eksterior di Ukrania Andrii Sybiha
KIEV, UKRANIA, AFP.- E Minister di Eksterior di Ukrania i Iran a papia na telefòn djamars segun indikashon di Kiev. Ukrania a bisa ku e pais ke evitá un guera despues di un atake ukraniano kontra un barku Iraní den laman Caspian
Andrii Sybiha a skibi riba X ku e tabatin un “kombersashon franko” ku su homólogo iraní, Abbas Araghchi.
“Diplomasia ta nifiká ku mester papia direktamente, asta si kosnan bira difísil. Mi a bisa bon kla ku nos ophetivo ta pa evitá un “guera” innesesario”.
Iran a atvertí djaluna tokante konsekuensianan imprevisto despues di e atake di siman pasá, kaminda un marinero a muri i vários mas a resultá herida.
Presidente ukraniano Volodymyr Zelenskyy, a bisa djasabra ku Kiev a realisá atakenan den laman Caspio kontra barkunan ku tabata transportando un karga militar relashoná ku Iran.
Sybiha a afirmá ku “tur akshon di Ukrania ta pa defendé e pais di agreshon di Rusia i nunka e intenshon tabata pa ataka barkunan sivil ni personanan”.
E relashon entre Kiev i Tehran ainda ta tenso. Iran, e aliado prinsipal di Rusia den Medio Oriente a proveé Moscow ku teknologia di dronenan Shahed na komienso di e invashon ruso na Ukrania na aña 2022.
