KIEV, UKRANIA, AFP.- E promé huisio di un sòldat ruso pa krímennan di guera desde ku trupanan di Moscow a invadí e teritorio ukraniano a kuminsá djárason na Kiev, i e militar akusá di e mata un sivil a deklará kulpabel.
Un hues a deklará ku e kaso den korte lo ta públiko. Vadim Shishimarin, di 21 aña, ta wòrdu akusá di a mata un sivil di 62 aña riba 28 di febrüari na nortost di Ukrania.
E por haña bida largu pa krímen di guera i asesinato premeditá. Vadim Shishimarin a bisa den un video ku el a partisipá den e guera di Rusia pa yuda su mama finansieramente.
Kremlin a sigurá ku no tin niun informashon tokante e kaso aki i a akusá Kiev di fabriká e akusashonnan kontra su trupanan.
“Nos no tin niun informashon. I e posibilidat pa yuda e akusado ta limitá dor ku no tin representashon diplomátiko den e ais”, segun indikashon di e bosero di Kremlin, Dmytri Peskov, kende a bisa ku e akusashonnan di krísis di guera kontra su ehérsito ta “falsu òf inventá”.
