DEN HAAG, ULANDA, AFP.- E gobièrnu ulandes a anunsiá un pakete “sin presedente” di 17.200 mion euro pa yuda siudadanonan enfrentá oumento di preis di koriente i gas i tambe un inflashon di dos sifra kousá pa e guera aktual na Ukrania.

E rei ulandes Willem-Alexander a develá e pakete den parlamento na Den Haag.

“Un konsekuensia di e guera i e sanshonnan internashonal kontra Rusia ta ku gas, koriente i komestibel a bira sumamente karu”, asina e rei a bisa den su diskurso.

Segun un resúmen di e presupuesto nobo pa 2023, gobièrnu lo pone 17.2 miar euro disponibel otro aña i 4.9 miar pas den e próksimo añanan.

Inflashon na Ulanda tabata 12% den ougùstùs segun CBS. Esaki ta 3 porshento mas haltu ku e promedio di Union Europeo i esun di mas haltu desde dékada di 1970.

Preis di gas a subi ku 170% i koriente ku 149% den ougùstùs, segun CBS.

 

LAGA UN KOMENTARIO

Please enter your comment!
Please enter your name here