DEN HAAG.-Gabinete demishonario di Mark Rutte a anunsiá suavisashon di medidanan pa kombatí e pandemia di Covid. Tin masha spekulashon kua lo ta e suavisashonnan ku e gabinete demishonario lo anunsiá. Fuentenan hopi yegá na gobernashon ta indiká ku lo kita e prohibishon pa klupnan nokturno i diskotekanan por habri te mardugá sin problema. Probablemente lo pone eksigensia ku tur esnan ku ke bishita e sitionan aki mester presentá un prueba ku nan ta bakuna kompletu.

Tin indikashon serio ku e ministernan demishonario lo anunsiá ku na skolnan lo no ta nesesario mas pa usa tapaboka, pero den transporte publiko i taksi si e ta keda obligatorio. Meskos tambe ta asina ku tin spekulashon si lo kita for di e medida di prekoushon di 1.5 meter di distansia. Anteriormente a pensa ku lo kita for di e medidanan aki na fin di sèptèmber òf asta te den novèmber pero e preshon di sierto gruponan ta keda oumentá riba e gabinete.

 

LAGA UN KOMENTARIO

Please enter your comment!
Please enter your name here