AMSTERDAM.-Dia 5 di sèptèmber a tuma lugá un marcha di protesta den sentro di siudat Amsterdam. Segun kalkulo di polis, posiblemente tabatin alrededor di 20 mil hende ku a asistí na e marcha di protesta aki. Awe a tuma lugá e di dos marcha di protesta grandi na Amsterdam kontra di medidanan ku gobièrnu a imponé pa kombatí Covid-19. E mesun organisadó di dia 5 di sèptèmber, Michel Reijinga, ta na kabes di e marcha aki.

Ta ampliamente konosí ku na Ulanda un grupo ta kontra di tur medida di Covid komo ku nan ta konsiderá ku ta mishi nan libertatnan. E QR-code i Coronapas ku e gabinete demishonario di Mark Rutte ta e último gota ku a pone e grupo su kana yena.

Reijinga mes ta spera ku entre 50 mil pa 100 mil hende lo sostené e marcha di protesta den kayanan di Amsterdam. Fotonan di prensa ulandes ta mustra ku tin basta hende riba Dam. Nan a reuní pa despues ku nan marcha di protesta den kayanan, miéntras ku tin musika i otronan ta sende vürwèrk.

 

LAGA UN KOMENTARIO

Please enter your comment!
Please enter your name here