WILLEMSTAD – Ta parse manera ta un disko raspa pero simplemente ta e realidat ku Kòrsou ta bibando aden e último dianan aki. Pa di tres biaha, esei ta kasonan anto ku ta na konosementu di Extra, kriminalnan a bolbe trata na sende outo di hende na kandela intenshonalmente. E biaha aki a toka turno den Kaya Kitrin den e bario di Koraalspecht den oranan di mardugá. E kriminalnan a trata aki di un sende un KIA Picanto blanku i un Nissan Sentra tambe blanku na kandela. E doño di e vehíkulonan a tende algu straño na momento ku e sospechosonan a tira e jug ku gasolin i a surgi un medio eksploshon. Mesora el a kue slan di awa i kuminsá paga e kandela. El a logra limitá e daño na e vehíkulonan. Brantwer a yega na e sitio tòg pa kontrolá e situashon. Polisnan a konfiská e jug i otro materialnan komo prueba den e kaso aki. Outoridatnan meskos ku e kasonan anterior den Frederikstraat i Oude Caracasbaaiweg ta hasiendo nan investigashon.
){kind=link}