WILLEMSTAD.- Tur aña di nobo Hak’e ta sigui krese i surpasá ekspektativa. E aña aki no tabata un eksepshon. E interes di públiko tabata hopi grandi i por ehèmpel djasabra a sold out for di 1 siman promé ku e evento.
‘DEN E BEMBE’ a kombersá ku Quincy Sintjago pa e tambe tabata un dje mihó edishonnan. “Nos ta hopi kontentu ku e interes i lokura pa Hak’e. Djabièrnè despues ku nos a logra pa por a kontratá Lord Lally, e Soca King di Aruba, e públiko a kumpra nan karchinan pa djabièrnè. E aña aki nos a ekspandé riba dekor i e públiko a disfrutá sigur riba ámbos dia.
Hermanos Rosario tabatin un bon presentashon, dor ku nan tin hopi hit. Pa nos e mihó di djabièrnè tabata Claudius Phillips i e presentashon di Lord Lally.
Pa otro aña Hak’e lo tuma lugá riba dianan 29 i 30 di yanüari 2027. Esaki lo ta e di 10 edishon i nos ta trahando pa e bira algu grandi!”, asina Quincy a terminá bisando.
Riba potrètnan e ambiente durante di Hak’e.
