WILLEMSTAD.- Ayera tabatin karanan kontentu i tristu na airopuerto Hato, na momentu ku famia i amigunan mester a despedí di nan yu òf amigu ku ta sali pa Hulanda pa sigui nan estudio. Un kantidat di 130 studiante di e total di 142 ku ta kai bou di Stichting Studiefinanciering Curaçao (SSC) a sali pa Hulanda ku KLM. E nivel di estudio ku mas studiantenan a skohe ta HBO. Un total di 97 studiante esta 68,3% ta sigui un estudio HBO. Despues ta sigui 29 studiante ku ta sigui un estudio universitario na nivel “bachelor”, i 13 studiante ta sigui un estudio SBO-nivel 4. Di 142 studiante, 64 ta hende hòmber i 78 hende muhé. EXTRA ta deseá tur studiante éksito.
