USHUAIA, ARGENTINA, AFP.- Un persona a fayesé i kuater a resultá leshoná na momentu ku un ola gigante a kibra vários glas di un krusero ku tabata nabegando na suit di Cabo de Hornos, meimei di mal tempu, segun informashon di fuentenan di un empresa di Noruega i hudisial di Argentina.

E aksidente a sosodé den oranan di 11 or di anochi na momentu ku e krusero “Viking Polaris” di Noruega a dal den un ola gigante ku a okashoná kiebro di vários glas den kabinanan di e barku. E insidente a pasa miéntras e barku tabata riba kaminda Ushuaia, 3.200 kilometer na sùit di Buenos Aires, segun indikashon di un fuente di e empresa Viking na Noruega.

Kuater turista mas a sufri leshonnan pero sin ku nan bida ta na peliger. Nan a keda atendé pa e personal médiko na bordo, segun indikashon di e empresa.

Siman pasá dos turista mas a muri miéntras ku nan tabata realisando un biahe den Antártika riba e krusero “World Explorer”, na momentu ku e boto a dal un buèlta serka di kosta i kousa ku nan a kai den awa. Ainda ta investigando e kaso.

 

LAGA UN KOMENTARIO

Please enter your comment!
Please enter your name here