WILLEMSTAD.- Awe den oranan di mardugá sentral di polis a risibí notifikashon ku den kaya Pida Skina tin un kaso di bashamentu di bala.
Despues di un ratu sentral a risibí un otro notifikashon ku un Chevrolet kora a yega na CMC ku un persona ku heridá di bala I e víktima a pèrdè hopi sanger.
Mesora sentral a dirigí vários unidat na CMC i tambe den kaya Pida Skina. Polisnan ku a bai CMC a konfiská e vehíkulo Chevrolet pa mas investigashon den e kaso.
Na yegada di e unidatnan na Kaya Pida Skina nan a topa ku vários huls riba kaminda I por a tuma nota un kas ku a risibí perforashon di bala.
En konekshon ku e kaso Polis di montaña a regresá den oranan di mainta debí ku a topa 2 vehíkulo ku perforashon di bala.
Tin indikashon ku e tiponan aki a uza ‘shotgun’ den e kaso aki.
