NASHON UNI, AP.- E promé seis paisnan di e aña aki a kibra rèkòrt mundial di kalor, loke ta hasi 2016 e aña pa bira esun mas kayente riba planeta. Asina e Organisashon Meteorológiko Mundial a indiká.
E organisashon vinkulá ku Nashon Uní a bisa den un rapòrt ku yüni 2016 tabata e di kuater luna konsekutivo di rèkòrt di kalor riba planeta i e di 378 luna konsekutivo ku temperatura mas haltu ku e promedio di siglo XX.
Kalentamentu global e aña aki, ku ta kousa konsentrashon di dioksido di karbono, a superá un hit simbóliko di 400 parti pa mion den atmósfera segun indikashon di e organisashon.
Patronchinan di kambio klimátiko di e último dékadanan ta yegando na rèkòrtnan nobo, debí na e fenómeno El Niño 2015/2016. Asina e sekretario general di e organisashon, Petteri Taalas a bisa den un komunikado.
E rapòrt a detektá ku e kalor a kousa un komienso prematuro di e temporada kaminda kapanan grandi di eis ta dirti. Awor, e eis den Artiko ta kubri kasi 40% ménos di e área kompará ku aña 1970.
E kondishonnan di kalor a kousa káos. Temperaturanan den vários region manera Merka a eksperimentá kondishonnan mas seku ku normal, miéntras China, Europa sentral i gran parti di Oustralia a risibí mas áwaseru ku normal.
