ISTANBL, TURKIA, AP.- UNESCO a deklará djaweps ku sinku lokalidat na Libia ta pari di e patrimonio kultural mundial i ta na peliger di destrukshon.
E Komité di Patrimonio Kultural Mundial a bisa ku ” e grado haltu di instabilidat” den e pais norafrikano i e presensia di gruponan armá ta hasi strukturanan históriko balioso vulnerabel.
Entre e lokalidatnan menshoná tin ruinanan arkeológiko di Cyrene, Leptis Magna, Sabratha, obranan di arte di piedra Tadrart Acacus i oásis den Pueblo di Ghadames.
E di 40 seshon di Komité di Patrimonio Kultural Mundial ta wòrdu selebrá na Istanbul i ta kulminá dia 20 di yüli.
Libia a kai den káos i anarkia despues di e kitamentu di puesto i morto di diktador Moamar Gadafi na 2011.
E grupo ekstremista Estado Islámiko, ku a destruí strukturanan di gran balor kultural na Siria i Irak, a pasa den Libia tambe.
