Un bista di e sentro nobo di tratamentu di ébola na Bunia, nortost di RDC. E sentro tin kapasidat pa 20 kama
NAIROBI, KENIA, AFP.- Mas ku 1.100 persona ta konsiderá komo kasonan sospechoso di ébola na Repúblika Demokrátiko di Congo (RDC), i Uganda. Esaki ta segun indikashon di e direktor i e agensia di salú di Union Afrikano (UA) den un artíkulo publiká pa Financial Times.
E direktor general di Agensia di Salú di UA, Jean Kaseya, a señalá ku te ku djasabra tabatin 263 kaso konfirmá na ámbos pais, ku 43 morto konfirmá.
Mas ku 1.100 kaso ainda ta bou di investigashon. “Nos mester aktua rápidamente”, asina Kaseya a bisa.
E ministernan di salú di RDC, Uganda i Sur Sudan a adoptá un plan di 319 mion dòler pa enfrentá e brote.
“E impulso aki mester keda ekstendé den e kontinente kompleto”, segun Kaseya. “E brote aki lo no ta e último”, asina el a añadí.
A deklará e brote na Ituri, na nortost di RDC. E pais tin mas ku 100 mion habitante i ta un di esnan di mas pober na mundu.
E vírùs responsabel pa e brote aktual yama Bundibugyo. No tin un bakuna ni tratamentu spesífiko pa e variante aki.
E vírùs ta transmití solamente ora e persona infektá presentá síntomanan. E periodo di inkubashon por dura te ku 21 dia.
Cousin Kasumbo, presidente di U Report Goma, den un kampaña di konsientisashon riba ébola den siudat di Goma
