DUBLIN, Irlanda (AFP).- E ret sosial TikTok a keda kondená di parti di Union Europeo na un multa di 530 mion euro (600 mion dollar), pa su inkapasidat di garantisá protekshon di dato di usadónan europeo na China.
Durante dje investigashon, efektuá den nòmber dje bloke pa outoridat irlandes di protekshon di dato (DPC), TikTok -di kua su empresa mama ta di China- a rekonosé di a warda den e pais asiátiko datonan di usadónan europeo, algu ku te ku awor nan a bin ta nenga.
Ta trata dje di dos multa mas grandi imponé pa DPC, ku ta aktua den nòmber di Union Europeo. E sede di TikTok ta na Irlanda, manera ta e kaso ku mayoria dje gigantenan teknológiko.
“TikTok no a verifiká, garantisá ni demostrá ku e datonan personal dje usadónan (europeo) -den kua empleadonan di China por drenta fásilmente- ta gosa di un nivel di protekshon ku ta na e nivel di loke Union Europeo ta garantisá”, segun Graham Doye, responsabel di komunikashon di gobièrnu irlandes.
