BRUSELAS, BELGIKA, AFP.- Union Europeo lo aprobá un serie di medida ekonómiko kontra e régimen di Alexander Lukashenko di Belarus, pa kondená o sanshoná e represhon kontra opositornan i desvio di un avion komersial pa arestá un periodista, segun indikashon di fuentenan diplomátiko.
E ministernan di Eksterior di Union Europeo mester partisipá den un reunion na Luxemburg djaluna, pa duna lus bèrdè na e medidanan aki, segun indikashon di un diplomátiko.
E sanshonnan lo afektá e sektor di tabako, petroli, petrokímiko, arma i ekiponan ku a usa pa reprimí opositornan entre otro.
E ministernan ta elaborando si lo imponé medidanan kontra e sektor finansiero. “Normalmente Union Europeo no ta tuma sanshonnan ekonómiko i esaki ta tuma tempu”, asina un otro diplomátiko a bisa.
UE ya a dekretá sanshonnan individual kontra 88 miembro di e régimen, inkluyendo kontra presidente Lukashenko i su yu, pa e represhon kontra protestanan kontra reelekshon di e mandatario den 2020.
