LAMPEDUSA, ITALIA, AFP.- Presidente di e komishon Oropeo, Ursula von der Leyen a presentá ayera na e isla mediteraneo di Lampedusa un plan di emergensia pa yuda Italia pa manehá e yegada rèkòrt di migrantenan na su teritorio i a pidi solidaridat di su sosionan di Union Oropeo.
Von der Leyen a bishitá ku e hefe di gobièrnu italiano Giorgia Meloni, e sentro di akohida pa migrantenan di e isla chikí italiano ku ta saturá pa desembarke di míles di persona den último dianan.
Despues di e rekorido e hefe di ehekushon oropeo a presentá un plan di yudansa ku dies punto orientá riba asuntunan di e situashon aktual, repartí mihó e solisitantenan di asilo entre nan miembronan di e bloke i prevení e ripitishon di e tipo di episodionan aki ku ta pone e sistema logístiko bou di preshon i tambe e atministrashon italiano.
E ophetivo ta pa kombiná un postura firmá pa ku e trafikantenan di persona i un simplifikashon di e vianan legal pa esnan ku tin e rekisítonan pa pidi asilo por yega Oropa.
