WILLEMSTAD.- Relashoná ku e informe di un entrada hudisial ku a tuma lugá mas tempran, e kompania KPMG den un informe a konfirmá ku Ministerio Públiko a hasi un bishita na nan ofisina na Kaya Don Martina/Emancipatie blvd den oranan di awe mainta 22 di mei 2018. Funshonarionan di RST i Team Bestrijding Ondermijning (TBO) a bai buska informashon di un eks kliente, un kliente di 10 aña pasá di KPMG. Ta trata di un kliente ku ta biba na Ulanda.
KPMG ta informá ku nan koperá 100% ku outoridatnan hudisial i despues di algun ora e funshonarionan di RST i Team Bestrijding Ondermijning a bai ku 5 dossier. KPMG ni Meyburg no ta sospechoso, asina KPMG ta informá.
Manera EXTRA a informá anteriormente, e bosero di Ministerio Públiko Norman Serphos solamente por a konfirmá ku ta TBO a tene e entrada hudisial pero no por a duna mas informashon. EXTRA a komprondé ku ta trata di un investigashon relashoná ku un kaso bastante serio.

LAGA UN KOMENTARIO

Please enter your comment!
Please enter your name here