UPDATE: Polis mester a los tiru di atvertensia pa detené hòmber buska pa hustisia

WILLEMSTAD.- Un unidat polisial moviendo den Buena Vista mester a los tiru di atvertensia pa asina detené un hòmber buska pa hustisia.

Ayera mainta alrededor di binti pasa di dies, un unidat di e Tim di Mantenshon di Òrdu Públiko ku tabata patruya riba Blanquillaweg, a señalá un hòmber sospechoso den un vehíkulo kòrá, pa kual tin un petishon di búskeda i aresto.

Mesora e unidat a duna e hòmber òrdu pa para. E sospechoso no a duna oido na esaki i a sigui ku su huida.  Polis  a lòs tiru di atvertensia i a start ku un pèrsekushon den e área di Buena Vista. Durante di su huida e shofùr a aksidentá kontra di un di e  outonan di polis.

Alrededor di bintisinku pasa di dies riba e krusada Haitiweg/Bahamasweg e unidat a logra di detené e sospechoso T.R.G.H.J., di 21 aña di edat nase na Kòrsou, en konekshon ku ladronisia, destrukshon i maltrato, ku el a kometé den luna di sèptèmber último.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

SHARE

LEAVE A REPLY