WILLEMSTAD.- Alrededor di 3.30 di mardugá Sentral di polis a risibí notifikashon ku bewakernan den Punda a tende un zonido duru i despues alarma a kuminsá zona. Mesora sentral a dirigí unidat di polis pa bai duna asistensia i yuda tira bista ta di unda e zonido a bini. Nan a tuma nota ku deskonosínan a kibrá i hòrta den un pakus Uptown den Breedestraat Punda.
Kontinuando ku mas investigashon den e kaso aki polisnan a risibí imágen di kámara kaminda por a mira kon e tiponan aki a yega ku un van blanku i a mara un kabuya na e porta di e pakus kaba trèk esaki ku e van ku konsekuensia ku e porta a rementá i kibrá. E tiponan aki a hòrta vários merkansia den e pakus i a bai laga un desaster atras.
Polis a pidi TFO digital pa presentá na e sitio i konfiská e imágennan di kámara kual ta di sumo importansia pa e investigashon.
){kind=link}