USS Gerald Ford, e barku di guera mas grandi na mundu, ku ta karga 4.000 persona i ta transportá mas ku 100 avion di guera.
WASHINGTON (AFP).- USS Gerald Ford, e ‘aircraft carrier’ mas grandi na mundu na e momento aki ta den laman Mediteráneo, i ta spera ku lo e partisipá den un eventual atake konta di Iran si e presidente Donald Trump ordená esei. Merka a menasá pa kuminsá ku akshonnan militar kontra di Teheran si e negosiashonnan riba e programa nuklear iraní frakasá, i a realisá un enorme movishon di forsa den Medio Oriente, ku ta inkluí e “Gerald Ford”.
Un barku di guera enorme
USS Gerald Ford a drenta den servisio den 2017 i e ta promé barku ku espasio pa avionnan di guera segun e klase Ford, un diseño nobo ku gradualmente lo sustituí Nimitez. E embarkashon di 13.000 mion dollar a realisá su promé movida den 2022. E ta konta ku dos reaktor nuklear i ta move ku 100.000 tòn di karga. E ta midi mas ku 335 meter i por nabegá na velosidat di mas ku 55 km pa ora. E barku ta konta ku un tripulashon di mas ku 4.000 militar, ta transportá desena di avion di guera i aktualmente ta keda eskoltá pa tres destruktor ku ta lansa misil.
USS Gerald Ford a pasa sigur tres luna den Karibe promé ku Trump a ordená na kuminsamentu dje luna’ki pa e dirigí su mes pa Medio Oriente, kaminda tenshonnan ta kresiendo ku Iran.
