NEW YORK, MERKA, AFP.- Un hòmber uzbeko di 35 aña a haña un kondena djaluna di bida largu pa dal ocho persona mata riba un kaminda na New York, durante un atentado terorista na 2017.
Ounke Departamento di Hustisia a pidi kondena di morto pa Sayfullo Saipov, kende a bisa di ta forma parti di Estado Islámiko, e hurado no a logra yega na un desishon unánime al respekto, segun indikashon di fiskal na AFP.
E akusado a keda kondená na bida largu sin posibilidat di libertat kondishonal.
Riba 31 di òktober 2017, durante selebrashonnan di Halloween, Saipov a usa un vehíkulo pa dal peatonnan ku esaki. E atake a laga ocho morto, entre nan sinku argentino ku a bishita New York i un belga. Aparte di esaki tabatin vários herido, kual a kombertí esaki den e atentado di mas sangriento den siudat desde e atakenan di 11 sèptèmber 2001.
Den korte, sernan kerí di e víktimanan di e atentado a duna testimonionan emoshonal.
