WASHINGTON, MERKA, AFP.- E vakuna kontra MonkeyPox ta altamente efektivo i ta kuminsá protehá e persona dos siman despues di e promé dósis, segun indikashon di Sentro pa Kontrol i Prevenshon di Enfermedat (CDC) di Merka.
Un análisis preliminar di entre 31 di yüli i 3 di sèptèmber, publiká pa e agensia, a konkluí ku e probabilidat pa haña e vírus ta 14 biaha mas tantu entre esnan no vakuná kompará ku esnan vakuná, 14 dia òf mas despues di e promé vakuna.
E resultadonan a wòrdu basá riba infekshonnan konfirmá di 32 hurisdikshon den e pais kompleto. Merka a registrá mas ku 25.000 kaso den e brote aktual, ku a kuminsá den mei e aña aki, i afektá prinsipalmente hòmbernan ku ta tene relashon seksual ku otro hòmber.
