GRAN BRETANIA.-Miéntras ku mundu ta luchando ku bakunashon i otro diskushonnan rondó di e pandemia di Corona, awe a bira konosí na Gran Bretania ku a surgi un variante nobo di e vírus. Ta papiando di un variante di e variante Delta. Segun sientífikonan e variante nobo aki lo ta ainda mas kontagioso ku e vírusnan anterior.
E promé investigashonnan ta mustra ku esaki lo por ta un di e variantenan mas kontagioso for di komienso di e pandemia aki. E nòmber ku a duna e variante ta AY4.2
AY4.2 ya kaba a sòru pa 10% di kontagio. Virólogonan tin bista pa e variante nobo aki pero ainda no a denomin’é komo un variante di preokupashon. Sientífikonan ta kere ku e bakunanan ta sigui duna protekshon na e komunidat. Nan tur ta konsiente ku no por para e vírus i ta sigur ku e vírus lo sigui mutuá.
