UPDATE:

FLOW: kabelnan di fibra a kima p’esei no tin Internèt

WILLEMSTAD.-Manera EXTRA a informá algun ratu pasa, Vários parti pabou di Kòrsou ta sin konekshon di Internèt. Ni FLOW ni Digicel no ta brindando servisio di Internèt, ounke mester bisa si ku EXTRA a tuma nota di ámbos kompania trahando den Otrobanda. Entretantu FLOW a emití un informe den kua nan ta bisa ku nan ta eksperensiando un interupshon den áreanan na e parti wèst di Kòrsou. E situashon aki a keda okashoná pa un kandela na un kas den Otrobanda den oranan di anochi. Kabelnan di fibra di FLOW a kima. Un tim tékniko ta na e sitio evaluando e situashon i trahando pa resolvé e problema mas lihé posibel. FLOW ta bisa ku nan ta komprondé ku e situashon aki ta inkómodo i ta pidi indulgensia di usuarionan miéntras ku nan ta traha pa restourá e servisio.

Ni FLOW ni Digicel

WILLEMSTAD.-Vários área parti pabou di Kòrsou ta sin konekshon di Internèt na e momentunan aki. E parti ku ta hala mas atenshon ta e echo ku hendenan ku FLOW i Digicel ta sin Internèt. EXTRA tambe ta eksperensiando e situashon fèrfelu aki loke sigur ta stroba operashon.

Investigashon ku EXTRA a realisá ta indiká ku un kas den Otrobanda lo a kima i e kandela aki lo mester a kousa daño grave na kabelnan importante di tantu FLOW komo Digicel. Area di Otrobanda, Marchena, Mundu Nobo, Jan Doret i algun otro mas ta kompletamente plat pa loke ta trata konekshon di Internèt. Riba e pregunta kon lihé e kompanianan ta spera di keda kla i resolvé e problema EXTRA no a haña un kontesta. Ambos kompania ta na e sitio trahando pa solushona e problema.

LAGA UN KOMENTARIO

Please enter your comment!
Please enter your name here