OAKLAND, AP.- Algun manifestá rabia pa e elekshon di Donald Trump komo presidente a kibra bentana i a sende ko’i sushinan na kandela ayera den oranan di mardugá na e siudat di Oakland California, uniendo nan mes na e protestanan na otro paisnan di e pais despues ku resultado di elekshon a bira konosí.
Otro protestanan tabata básikamente pasífiko. Na Oregon un kantidat di persona a blòkia kaya den sentro di Portland kual a pone ku treinnan a tarda pa yega nan destino. Reportenan di notisia a indiká ku e multitut a krese te na 300 hende, inkluyendo algun hende ku a sinta mei mei di kaya. E grupo di manifestantenan a kima bandera di Merka i a indiká “esei no ta mi presidente”.
Na Pennsylvania studiantenan di universidat di Pittsburgh den kayanan i algun tabata grita pa unidat. Pitt News e korant di studiantenan di kampus a pone komo título “reunion di emergensia; laga nos uni pa wanta presidente Trump”.
Na Seattle algun 100 manifestante a reuní den e bisindario di Capitolio a blòkia kaya i a sende ko’i sushinan na kandela. Riba Twitter a pone “NotMyPresident” i esei a keda usa kasi mei mion di biaha.
E protesta na Oakland a krese te na 250 persona den oranan di anochi. Polis a bisa ku e manifestantenan a daña 5 edifisio di negoshi, nan a kibra glasnan i a pinta riba e murayanan. Niun hende a keda arestá.
Fotonan protesta
….diferente aktivista protestando entre otro na New York dilanti di Trump Towers na universidat di Connecticut, na Oregon i vários otro parti mas di e pais manera e fotonan aki ta mustra….
