WILLEMSTAD.- Awe den oranan di mainta polis a haña nan ku un kaso di un outo di dal i ku perforashon di bala. Bisiñanan den Ordonansweg a tende u klap duru i ora a bai wak a topa ku e vehíkulo para riba e kaminda. No tabatin shofùr den dje i niun hende den serkania. EXTRA a papia ku bosero polisial Imro Zwerwer i el a konfirmá e informashon.

Segun e bosero di polis a outo parse tabatin as kibra i komo tal no por  a kore mas. Tambe e tabatin 2 perforashon di bala entre otro na su baul. No a topa shofùr den e outo. Segun bosero polisial no tabatin rastro di sanger i ta bin aserka ku e number riba e outo no ta kuadra ku e outo. Ta investigando pa mira ta kiko a sosodé.

Informashonnan mas aleu ku EXTRA ta dispone di dje ta indiká ku probablemente lo tabata un persekushon i ku sea e shofùr a logra kore bai òf el a keda sekuestrá, No por bisa presis ainda ta kiko a sosodé ya ku e kaso aki ta den ful investigashon.

LAGA UN KOMENTARIO

Please enter your comment!
Please enter your name here