WILLEMSTAD.- Djasabra den oranan di mardugá, un vehíkulo polisial ku tabata transportá un detenido pa Barber a hañ’e envolví den un aksidente basta serio riba Winstonchurchillweg. E agentenan i tambe e detenido a sali ileso pero tres persona den e otro vehíkulo si a resultá seriamente herida. Dos ambulans mester a presentá na e sitio pa asina duna e víktimanan tratamentu i despues a transportá tur tres pa departamento di emergensia di CMC pa tratamentuWILLEMSTAD.- Djasabra den oranan di mardugá, un vehíkulo polisial ku tabata transportá un detenido pa Barber a hañ’e envolví den un aksidente basta serio riba Winstonchurchillweg. E agentenan i tambe e detenido a sali ileso pero tres persona den e otro vehíkulo si a resultá seriamente herida. Dos ambulans mester a presentá na e sitio pa asina duna e víktimanan tratamentu i despues a transportá tur tres pa departamento di emergensia di CMC pa tratamentu médiko avansá. Un otro vehíkulo polisial a presentá na e sitio pa asina tuma e detenido i sigui pa Barber kuné. Polis a keda ku a área sera te na momentu ku departamento di tráfiko i Forensys a terminá ku registrashon.