Trahadónan di reskate for di diferente pais ta hasiendo trabounan inmenso buskando mas sobrebibiente dje temblor den e estado La Guaira.
CATIA LA MAR, Venezuela (AFP)- Trahadónan di reskate ayera a saka un hòmber ku tabatin ocho dia bou di ruinanan okashoná pa e temblor na Venezuela, un momento di legria huntu ku e balans trágiko di morto i destrukshon. For di djaluna trahadónan di reskate ta trahando den e sektor di Catia La Mar dje estado di La Guaira, afektá pa e temblornan di magnitut di 7.2 i 7.5 ku a provoká 2.300 morto i míles di hende pèrdí.
Hernan Gil (43) a keda saká riba brankar for di loke a sobra di un edifisio di shete piso kaminda el a keda atrapá for di 24 di yüni. “Un berdadero milager”, segun su kasá Gusbimar Gonzalez.
Su reskate a rebibá e speransa den e pais aki ku ta na rou i kaminda poblashon ta kobando pa buska mas sobrebibiente. Pero ya desena di edifisionan den ruina a keda marká ku e lèter “D” di “deceased” (morto), ku ta indiká ku trahadónan di reskate ya a inspekshoná e área i no tin señalnan di bida.
Gobièrnu den su balansenan ofisial ta evitá na papia de kantidat di hende pèrdí, ounke ku èkstra ofisial ta papia di 13.000 hende siudadano di La Guaira. Di esaki 6.461 a keda reskatá i mas ku 13.000 a sali riba nan mes forsa òf ku yudansa.
Ekiponan di Merka, El Salvador, Costa Rica, Portugal, Mexico, Chile i Venezuela a koba riba dos ruta diferente pa por a liberá Gil, kende tabata risibí hidratashon via di un tubu di aire instalá miéntras ku nan tabata koba.
E presidente Delcy Rodriguez, kende a dekretá shete dia di luto, ayera a konvoká su promé konferensia di prensa for di despues ku el a asumí poder despues dje kaptura di Nicolas Maduro ku tabata na kabes di gobièrnu.
Den kareda di 58.000 edifisio a resultá kompletamente destruí of dañá dor dje temblor.
