CARACAS.- Un venezolano a separá di su yu muhé di dos aña durante di un proseso di deportashon na Merka a pidi ayera, for di Caracas, pa gobièrnu di Donald Trump dun’é su yu bèk.
Yorelys Bernal, ekspulsá pa Venezuela i akusá di ta forma parti dje gèng ‘Tren de Aragua”, a keda separá for di su yu muhé den mei di 2024 ora ku el a keda detené na Texas, den un suseso ku outoridatnan venezolano ta kalifiká komo “sekuestro”.
“E úniko kos ku mi ta pidi nan ta pa debolbé mi mi yu… mi úniko deseo ta pa e ta huntu ku mi”, segun Bernal Yodrante durante un reunion públiko ku fiskal general venezolano, Tarek William Saab.
Despues ku agentenan a detené e señora huntu ku su kasá Maiker Espinoza, Departamento di Seguridat Nashonal di Merka a sigui ku e separashon ta pa protehá e mucha “pasobra su mayornan ta miembronan di Tren de Aragua”.
Espinoza ta den un prizòn na El Salvador, kaminda e gobièrnu di Trump a manda 252 migrante venezolano akusá di ta kriminalnan.
Konkretamente, Merka a akusá Bernal di ta supervisá “reklutamentu di muhénan hóben pa narkotráfiko i prostitushon”, miéntras ku Espinoza a keda señalá di ta “teniente” di Tren de Aragua.
Pero Bernal ta sigurá ku nan a keda detené solamente pasobra nan tin tatuahe, algu usá pa Merka pa vinkulá migrantenan ku e banda kriminal i otro gèngnan.
“Bosnan deportá mi kasá pa aki, por fabor, skucha mi”, segun el a sklama.
Ministerio públiko di Venezuela a designá dos fiskal pa revisá e “sekuestro” dje mucha muhé i , pareu ku esei, eksigí liberashon di e 252 venezolanonan prezu den e prizòn di máksimo seguridat salvadoreño.
