BOGOTA, AP.- Un grupo di migrantenan venezolano a bula e barikadanan instalá den febrüari pa e gobièrnu di Nicolás Maduro. E presidente a pone barikadanan na e brùg binashonal Simon Bolivar, na frontera ku Venezuela i Colombia, debí ku e riu Tachira a oumentá dor di áwaseru fuerte durante último dianan.

E migrantenan venezolano ta usa e kaminda aki pa yega e siudat Cucuta, na parti nororiental di e pais pa kumpra kuminda i medisina.

Desde mart, guardia venezolano a habri un koredor humanitario pa studiante i personanan malu por haña outorisashon pa mobilisá desde e brùgnan internashonal. Pero vários venezolano ta usa esaki pa buska kuminda i produktonan na Cucuta.

E Direktor General di Migrashon Colombia, Christian Kruger, a señalá ku e desishon di Maduro pa blòkia e brùgnan i restringí akseso di e pueblo ta provoká vários iregularidat. “No tin manera pa para e pueblo ku tin hamber, ku ta muriendo pa falta di remedi i ku no ta haña servisio públiko básiko di Estado”.

Tin mas o ménos 1.2 mion venezolano den e pais segun indikashon di outoridat kolombiano. Esaki ta debí na e krísis ekonómiko i polítiko ku ta afektá Venezuela.

 

LAGA UN KOMENTARIO

Please enter your comment!
Please enter your name here