SAN CRISTOBAL DEN TACHIRA, AP.- Algun famia ku a biaha rònt mundu i ku tin un kashi di paña grandi yen di marka a kuminsá sinti hamber.
Na momentu ku e gobièrnu venezolano a habri frontera ku Colombia fin di siman. Parehanan ta disidí pa gasta loke a sobra nan di loke nan a spar, kual a keda akumulá promé ku e pais a kai den krísis ekonómiko severo, i ta kumpra kuminda. Algun ta laga nan yunan atras, na kas di famia i 100.000 venezolano a krusa pa e pais bisiña kaminda outoridatnan kolombiano a batisá nan komo un koredor humanitario i pa asina kumpra mas kantidat di artíkulo di nesesidat básiko posibel.
Na supermerkadonan no tin suku pa kòfi, no tin manteka pa pan ni lechi pa beibinan.
No solamente tabatin tur tipo di kuminda pero esakinan tabata muchu mas barata ku e black market venezolano, kual a kombertí den e último alternativa i e karakterístika mas visibel di e krísis ekonómiko di e pais petrolero.