WILLEMSTAD.- Tur kos ta indiká ku Presidente Venezolano Nicolas Maduro a duna di konosé ku e medida di suspenshon di tur tipo di tráfiko aéreo, marítimo i tambe kualke interkambionan komersial ku Aruba, Boneiru i Kòrsou a keda ekstendé ku 72 ora mas.

Mas aleu Vise Presidente di Venezuela Tareck El Aissami a bisa, “Esaki ta keda asina te ora ku realisá un reunion di nivel haltu ku outoridatnan di e islanan aki i konkretisá un plan di akshon pa kombatí e mafianan ku ta hòrta tur nan propiedatnan i ku ta kontrabanda liber di kastigu materialnan stratégiko, ku severamente ta afektá e kalidat di bida di su pueblo.”

Konsekuentemente lo no permití mas agreshon di e organisashonnan kriminal aki i nos ta urgi pa rechasá falta di akshon ku ta fomentá un estilo di bida ku esnan ku ta komete aktonan ilegal ta pensa ku por sigui trankil paso tòg nan no ta risibí kastigu.
Mester aktua pa para e mafianan aki ku ta afektá e relashon históriko ku nos rumannan den Karibe, Vise Presidente di Venezuela Tareck El Aissami a duna di konosé riba su kuenta di Twitter.

4 COMMENTS

  1. A mi kier sa si e tin prueba y nomber di esnan ku supuestamente ta kabando ku su pais.Awor ku kontrakt di refineria ta den vense e la kuminsa molestia ku nos.Tur ten nan no kier a sinta na mesa anto awor si e ke pa nos sinta na mesa.

    • Bo sa ku gobierno di Korsou a pone 4.5 milion disponibel pa refugiado nan di Venezuela? Mihon a hinka e fondo den formashon di nos hobenan.

LAGA UN KOMENTARIO

Please enter your comment!
Please enter your name here