CARACAS, AP.- Venezuela a rechasá e pronunsiamentu di presidente franses Emmanuel Macron kontra gobièrnu i a indiká ku e deklarashon ta kontra institushonalidat venezolano.
Desde instalashon di Asamblea Konstituyente gobièrnu di Nicolas Maduro a enfrentá kuestionamentunan internashonal.
E gobièrnu venezolano a kondená e deklarashon di Macron den un komunikado kual el a konsiderá komo un “diktadura” na e atministrashon di Maduro.
Caracas a afirmá ku e palabranan di Macron ta representá un “inherensia evidente di asuntunan interno” i ta parse di ta un atake kontra Venezuela.
Kansier di Venezuela a pidi gobièrnu franses pa e tuma un posishon sensato di sosten na e proseso di diálogo nashonal. E gobièrnu i oposishon a kuminsá un proseso di diálogo ku ta stanka desde desèmber.
E deklarashon di Macron a wòrdu ratifiká djárason pa Ministerio di Relashon di Eksterior franses indikando ku outoridat venezolano mester ofresé “garantia relashoná ku rèspèt di Estado di derechi i di libertat fundamental” i a indiká ku Fransia lo reevaluá su relashon ku Venezuela.
E instalashon di Asamblea Konstituyente i su promé desishonnan, ku a inkluí destitushon di e fiskal general i un dekreto asumiendo e ròl di Asamblea Nashonal (kontrolá pa oposishon), a kousa krítika fuerte di mas di binti pais, inkluyendo Merka.
