OSLO, NORUEGA, AFP.- Venezuela a anunsiá ku nan ta sera nan embahada na Noruega, tres dia despues ku a bira konosí e premio Nobel di Pas pa e lider opositor Maria Corina Machado pa su lucha pa demokrasia.
E gobièrnu venezolano ku no a duna niun deklarashon riba e Nobel na Machado, a bisa den un komunikado ku e desishon ta obedesé un proseso di restrukturashon integral di su servisio di eksterior. Kansier Noruega a indiká ku nan no a haña un splikashon.
Venezuela tambe a anunsiá ku nan ta sera nan embahada na Australia. A kambio di esaki Caracas lo habri sedenan diplomátiko na Zimbabwe i Burkina Faso, paisnan ku nan ta konsiderá sosionan stratégiko den e lucha kontra di e preshon.
