CARACAS, AP.- Fiskal General di Venezuela a pidi un tribunal pa suspendé instalashon di Asamblea Konstituyente algun ora ku e organismo inisiá su aktividatnan.

E akshon aki a subi e tenshon polítiko entre e dos grupo di podernan ainda mas. Aktualmente tin un krísis ekonómiko ku ta un menasa pa e pais su futuro. Mayoria produkto ta optenibel riba merkado pretu i no den supermerkado i tiendanan.

E tasa di bolívar riba merkado pretu a yega 16.789 pa kada dòler, segun e página di Internèt Dollar Today. Esaki ta superá e tasa ofisial ku mas di seis biaha kual normal mester ta 2.810 bolívar pa dòler. Analistanan ta teme ku e tasa haltu aki por preshoná e inflashon ekstremadamente haltu kaba di tres digito.

E dos fiskalnan a pidi “suspenshon” di e reformashon di Konstituyente dilanti korte na Caracas. Komo parti di e akshon aki e fiskalnan a pidi “anulashon provishonal inmediato” di e akto di e totalisashon, distintivo i proklamashon di e 545 konstituyentenan.

E petishon a tuma lugá algun ora despues ku fiskal general Luisa Ortega Diaz a anunsiá ku el a kuminsá un averiguashon kontra kuater di e sinku direktornan di Konseho Nashonal Elektoral despues di e denunsia di empresanan di teknologia informátiko Smartmatic riba supuesto manipulashon di resultadonan di elekshon.

LAGA UN KOMENTARIO

Please enter your comment!
Please enter your name here