CARACAS- Den mas òf ménos 5 luna, sektor agrario di Venezuela ta spera di kuminsá eksportá galiña i webu pa e islanan Aruba, Bonaire i Kòrsou. Presidente di organisashon Fenavi, Francisco Tagliapietra, a bisa ku ya tin progreso importante pa logra esaki. Nan ta traha riba un ruta marítimo ku por funshoná tur dia pa manda produkto fresku pa e islanan.
Tambe ya a kuminsá kombersashon ku Hulanda pa fasilitá e eksportashon. Segun e sektor, ‘aunke e poblashon fio di e islanan ta chikitu, tin hopi turista ku ta bishita e islanan ku tin hopi poder di kompra’.
Ademas, Venezuela tin kapasidat pa produsí produkto di bon kalidat i kier kubri parti di e merkado ei, segun Tagliapietra.
