CARACAS, AP.- Un di e partidonan opositor mas grandi di Venezuela a deskartá su partisipashon òf sosten na kandidatonan den elekshon presidensial. Esaki ta hasi e fraktura den e koalishon opositor mas grandi.
Forsa Boluntat Popular ku Leopoldo Lopez ta dirigí, kende ta kumpliendo un kondena di prizòn na su kas, a anunsiá ku e lo no konvalidá e elekshonnan di 22 di aprel kual e ta konsiderá komo un “froude elektoral”.
“Nos lo no postulá ni respaldá ningun kandidato”, asina e partido a indiká den un komunikado, pidiendo e sobra forsanan ku ta integrá den e aliansa pa no partisipá ni inskribí kandidatonan debí ku e o ta “hasiendo un fabor na e diktadura”.
Komo opshon, Boluntat Popular a plania pa oumentá e preshon popular i konformá un “frente nashonal amplio” na defensa di demokrasia.
E dirigente di partido opositor di Causa R, Andres Velasquez, a selebrá ku Boluntat Popular lo suma e postura di su organisashon di no partisipá den elekshon presidensial i a bisa na The Associated Press ku e ta spera ku e koalishon por logra un posishon konhunto den próksimo oranan.
