CARACAS, AP.- Ni e fabrikantenan di eis no a salba di e ola di sakeo ku a wòrdu registrá durante último dianan den estado venezolano di Zulia i kual a laga pèrdida mionario i daño grave na empresanan industrial. Esaki ta un menasa ku e krísis na Venezuela, i e skarsedat di kuminda i produktonan básiko.
Supermerkado, panaderia, karniseria, i sentronan komersial a keda kompletamente destrosá, ku bentana kibrá i porta i muraya destruí den algun punto den siudat di Maracaibo. Outoridat a registrá 400 sakeo kousá pa un grupo di mas di 500 persona riba djaluna i djamars na Zulia, segun deskripshon di algun habitante na The Associated Press.
“Esaki tabata un lokura total”, asina Ricardo Acosta a afirmá, kende ta e segundo visepresidente di e kámara di empresario mas grandi den estado di Zulia. El a agregá ku asta instalashonnan di un di e fabrikantenan mas grandi di sigaria a wòrdu sakeá. Un Iglesia a lanta siguiente dia sin ningun stul den e edifisio debí ku esakinan a wòrdu hòrtá.
Acosta a deskartá ku e sakeonan tabata konsekuensia di e difikultatnan ku e venezolanonan ta enfrentá pa atkerí kuminda durante e blackout nashonal, i a bisa ku mayoria karniseria, panaderia i komersionan chikitu di Maracaibo a regalá karni, pan i otro produktonan pa esakinan no wòrdu sakeá.
