LONDON, REINO UNI, AFP.- Venezuela a presentá un denunsia kontra Banko di Inglatera pa esaki debolbé parti di e reservanan di oro ku esaki tin warda, segun indikashon di e gabinete di abogado ku ta representá e gobièrnu venezolano na London.
“Zaiwalla & Co a haña instrukshon di e maneho aktual di Banko Sentral di Venezuela (BCV) pa emití un demanda kontra Banko di Inglatera (BoE) pa debolbé 1.000 mion dòler di e reserva di oro di Venezuela pa yuda e pais lucha kontra covid-19”, segun afirmashon di un komunikado di e gabinete ku sede na London.
Segun e kompania di abogado, e instituto monetario venezolano a pidi pa e òrdu wòrdu transferí direktamente pa e Programa di Nashon Uni pa Desaroyo (PNUD).
BoE a ninga di konfirmá si lo aktua konforme e instrukshonnan risibí, afirmando ku no ta rekonosé outoridat di e maneho aktual di BCV i di e gobièrnu venezolano.
“Venezuela ta demanda Banko di Inglatera di hòrta 31 tòn di oro Venezolano. E sakeo ta un krímen di eksterminio”, asina un representante di Venezuela den Nashon Un, Samuel Moncada a bisa.
