GENEVE (AFP).- E kantidat di refugiadonan di rònt mundu a baha un poko for di su máksimo históriko, pero ta sigui “demasiado haltu”, ku Venezuela na kabes dje lista mundial di refugiadonan i hendenan ku mester di protekshon internashonal. Esei di akuerdo ku informashon di Nashonnan Uni.
E kantidat di hende ku ta hui pa motibu di guera, violensia i persekushon a alkansá e sifra rèkert di 123.2 mion na kabamentu di 2024, pero a baha na 122.1 mion na kabamentu di aprel último.
Den su informe anual, ACNUR (agensia di Nashonana Uní pa refugiadonan) a trese dilanti ku e bahada leve ta debí ku kasi dos mion sirio por a regresá nan kasnan despues ku den desèmber último a tumba presidente Bashar al Asad despues di mas ku un dékada di guera.
E faktor ei na Siria ta hasi di Venezuela e pais ku mayor kantidat di refugiado i personanan ku mester di protekshon internashonal, ku 370.200 i 5.9 mion respektivamente, na fin di 2024.
E mayoria dje venezolanonan aki ta na Amérika Latina, kuminsando na Colombia (2.8 mion venezolano), Perú (1-1 mion), Brasil (605.700), Chile (523.800) i Ecuador (441.600).
Na Merka, e mayor kantidat di solisitut di refugio tabata di venezolanonan (116.700).
