Venezuela ta kuminsá basha edifisionan destruí pa temblor abou

Un nubia di huma ta bai laira despues ku a basha un edifisio abou

LA GUAIRA, VENEZUELA, AFP.- Venezuela a kuminsá basha edifisionan abou, despues ku esakinan a keda destruí pa dos temblor luna pasá. E temblornan a laga mas di 5.500 morto i sentenáres di edifisio destruí.
Segun outoridatnan, 190 edifisio a basha ‘den, i 856 a keda afektá pa e temblornan.
Den oranan trempan, militarnan a sera kaminda den e área kaminda a kuminsá basha e edifisionan abou, usando eksploshon di forma kontrolá.
Algun habitante ku ta biba den serkania a bisa ku e sensashon ta “demasiado fuerte”. Outoridatnan a pone tur habitante na altura di e eksploshonnan ku lo bai tuma lugá pa basha e edifisionan abou.
Segun e último konteo ofisial publiká riba 24 di yüli , 5.546 persona a muri. Sin embargo, tur dia di nobo ta keda rekuperá kadavernan bou di e ruinanan.
Gobièrnu ke evitá di papia di personanan pèrdí. Pero segun un fuente diplomátiko i kalkulashonnan di otro ekspertonan tin alrededor di 10.000 persona pèrdí.