CARACAS, VENEZUELA, AFP.- Venezuela lo apliká tarifanan nobo di gasolin desde 1e di yüni, kual ta grátis te ainda, i a outorisá importadónan privá di gasolin. E desishonnan aki ta parti di e suavisashon di karentena pa kontené e Coronavirus.
Aktualmente tin un skarsedat grave di kombustibel, kual a sigui empeorá durante e karentena dekretá riba 16 di mart. E Coronavirus a laga 1.459 kaso di infekshon i 14 morto.
Presidente Nicolás Maduro a anunsiá ku tin 200 pòmp di gasolin ku por bende e produkto super premium na preis internashonal. Esaki a kibra e monopolio di Merka riba benta di gasolin. E preis internashonal a wòrdu fiha na 50 sèn pa liter di gasolin.
E 200 pòmpnan di gasolin lo wòrdu proveé ku gasolin di empresarionan privá. Esaki ta e sistema nobo ku a surgi komo kousa di e krísis “kreando oportunidatnan nobo i ami a habri e porta”, asina Maduro a bisa.
Venezuela lo kombiná esaki ku un plan di supsidio di 0,025 dòler pa liter i ta permití kompra di te ku 120 liter pa luna di vehíkulonan partikular i 60 liter pa motersaikel.
