CARACAS, AP.- Forsa Armá venezolano, ku presensia fuerte di milisianan integrá pa sivilnan armá a inisiá un serie di ehersisio militar den algun siudat prinsipal den e pais i pueblonan na frontera.
Maduro a bisa ku e ehersisionan, ku lo wòrdu realisá den vários di siudat grandi i algun sentro na frontera entre 15 i 16 di febrüari ta pa prepará e pueblo kontra menasanan di e “agreshon terorista” organisá pa Washington i su aliadonan den region.
Komo parti di un gira internashonal dirigí pa oumentá sosten na su kampaña pa kita Maduro, e lider opositor Juan Guaidó a reuní ku Donald Trump na Kas Blanku, kende a enfatisá e kompromiso di Merka pa pone fin na e “diktadura korupto i violento” di Maduro.
Merka i kasi 60 pais ta rekonosé Maduro, kende komo hefe di Asamblea Nashonal a deklará su mes komo presidente interino na yanüari 2019, argumentando ku Maduro a wòrdu skoh’é ku práktikanan violento na aña 2018.
Segun sifranan ofisial, Venezuela tin 200.000 militar i mas di 3,77 mion milisiano forma pa militarnan retirá i sivilnan arma.
