CARACAS, AP. – E presidente Nicolás Maduro a aseptá un proposishon di oposishon pa Vatikano fasilitá e diálogonan ku su gobièrnu meimei di un krísis polítiko i ekonómiko grave.
E sekretario general di Unasur, Ernesto Samper, a reuní djaweps anochi ku Maduro i a anunsiá esaki despues ku a pidi papa Fransisco pa manda un representante Venezuela. Samper tabata na Caracas, huntu ku eks presidente di gobièrnu spañó Jose Luis Rodriguez Zapatero, den un intento pa kuminsá e diálogonan entre gobièrnu i oposishon.
Oposishon a pidi e intervenshon di papa Fransisco pero tambe a bisa ku promé ku e partisipá den kualkier diálogo, e gobièrnu mester liberá opositornan konsiderá omo prezunan polítiko i aseptá un referèndem pa kita Maduro si posishon promé ku fin di aña.
Santa Sede no a duna komentario relashoná ku esaki.