CARACAS, AP.- Un avion militar merikano a violá espasio aéreo venezolano serka di isla Margarita promé ku un kumbre den e pais, asina minister di Defensa a indiká djamars.
E avion militar a drenta entre 16 i 17 di sèptèmber sin outorisashon. Asina e minister general Vladimir Padrino Lopez a indiká. E funshonario a kalifiká e echo komo un “akto di provokashon”.
Ekiponan militar venezolano a detektá presensia di a avion dash- 8 “130 mia nóutiko” di e isla di Margarita, “buskando informashonnan, hasiendo su inteligensia di desaroyo di e kumbre, segun indikashon di e minister den un diskurso publiká pa e televishon estatal.
El a agregá ku avionnan venezolano a sali pa interseptá e aparato merikano pa informá esaki tokante e violashon di espasio aéreo i ku mester a aseptá pa retirá pa su base na Kòrsou.
“Mi no sa ta kiko ta Merka su problema pero e pais ta resistí na informá nos region di informashonnan di vuelo i esaki ta violá nos normanan internashonal”. Asina Padrion Lopez a agregá despues di denunsia ku segun aña ta bayendo a reportá 32 violashon di e region di informashon di buelo di parti di avionnan merikano.
