CARACAS, VENEZUELA, AP.- Venezuela a desafiá su sosionan di Mercosur pa sigurá ku Venezuela ta ehersé presidensia di e bloke i atribuí e polítika i ideologia di akshonnan ku a wòrdu adoptá den su kontra den último dianan den e pais su kontra komo intoleransia.
“E husgamentu ku ta hasiendo kontra Venezuela ta un intoleransia polítiko i ideologia karakterístika di fasismo”, segun afirmashon di kansier Delcy Rpdriguez, despues di a wòrdu konsultá pa desishonnan ku a bai di akuerdo kuné durante último dianan ku su sosionan di merkado Komun di Sur, ku a pone su presidensia i kontinuidat di Venezuela den e bloke den duda.
Relashoná ku e supuesto no kumplimentu di algun norma, Rodriguez a rospondé ku Venezuela ta ” superá inkorporashon i índise di efektividat enormemente kompará ku sobrá sosionan”.
Argentina, Brasil, Paraguay i Uruguay a disidí ku e maneho diplomátiko di e bloke ta keda den man di e kuater paisnan i ku no kier Venezuela komo presidente temporal argumentando ku e pais no ta kumpli ku rekisitonan pa kombertí den sosio.
Entre e kondishonnan ku e pais no ta kumpli kuné ta promoshon i protekshon di derechonan humano i e denominashon Akuerdo residensia di merkado Komun di Sur ku mester wòrdu promulgá komo lei. Residensia di merkado Komun di Sur ta tránsito lider di habitantenan di paisnan sosio.
Venezuela tin te promé di desèmber pa kumpli ku e rekisitonan.
