WASHINGTON, USA (AFP).- E publikashon di un imágen di eks-presidente Barack Obama i su kasá Michelle komo makakunan den un mensahe di presidente Donald Trump a provoká furia na Merka, i a obligá White House pa kita esaki. Despues nan a bisa ku e publikashon tabata un eror. E video di un sekònde a aparesé den un video ku Trump a pone riba su website Truth Social, ku teorianan di konspirashon relashoná ku elekshon di 2020, ku el a pèrdè kontra dje demokrat Joe Biden.
“Un miembro di personal di White House a faya dor di a hasi e publikashon. El a keda kitá kaba, segun un funshonario di White House. Promé ku esei, e bosero di White House, Karoline Leavitt, a kritiká e polémika relashoná ku e video, kalifikando esaki komo “indignashon falsu” di parti di esnan ku ta kritiká e presidente republikano.
E imágen ta parti di un video satíriko, kreá aparentemente pa un siguidó di Trump, den kua e presidente a aparesé komo un leon, rei di selva, i otro polítikonan -entre kua Obama- komo animalnan ku ta hasi payasada.
E prinsipal figuranan demokrat a kondená e publikashon komo rasista. “Por fabor, stòp ku indignashon falsu i publiká algu ku realmente ta interesá e públiko norteamerikano”, segun bosero di Trump den un komunikado.
Vários polítiko, entre kua propio republikanonan, a ekspresá nan disgustu relashoná ku e publikashon.
