TORONTO, AP.- E video notorio kaminda e eks alkalde di Toronto Rob Ford ta wòrdu ilustrá humando crack a wòrdu poné pa akseso públiko djaweps.
Un tribunal di Toronto a kita e prohibishon di publiká e video, kapturá den luna di febrüari na aña 2013. Despues esaki a keda konfiská pa polis, kual a wòrdu retirá ku un akusashon di ekstorshon kontra Sandro Lisi, amigu i shofùr di Ford. Riba e video por mira Ford, kende a fayesé, papiando kosnan bulgar i murmurando miéntras e ta tene un pipa di crack.
E skandal a lòs den mei na aña 2013, na momentu kuTorontoStariewèpsait Gawker a reportá tokante eksistensia di e video, revelando e problemanan di alkoholismo i adiskshon di droga di e alkalde e tempu ei. Na promé instante, Ford a ninga ku e video aki tabata eksistí, afirmando ku ta trata di “un video ku nunka mi a yega di mira i ku ni sikiera ta éksitoso”. Despues di esaki, el a tuma su palabranan bèk, na momentu ku polis a informá ku tabatin e video den su poseshon. Ounke el a wòrdu poné bou di investigashon polisial, Ford nunka no a keda akusá di ningun delito despues ku el a konfesá ku e tabatin problema ku adikshon i a interná den un sentro di rehabilitashon.
Despues di su tratamentu, el a tuma su kandidatura pa wòrdu skohé atrobe komo alkalde di Toronto. Sinembargo, den sèptèmber na aña 2014, el a retirá su kandidatura afirmando ku el a wòrdu diagnostiká ku kanser. Algun tempu despues el a fayesé ku 46 aña di edat.
