HANOI, VIETNAM, AP.- Vietnam ta preparando pa yegada di tifón Sarika na momento ku sifranan di morto debí na inundashonnan provoká pa áwaseru den sentro di e pais a elevá na 31.
E tifón ku bientunan sostené na un máksimo di 165 kilometer pa ora i ku rafaga di asta 200 kilometer pa ora ta desplasá nan ost di Vietnam na 15 kilometer pa ora, asina meteorólogo nashonal a indiká djamars. Gobièrnu a pidi barkunan i otro botonan pa permanesé for di ruta di e fenómeno den laman di China Meridonial i pa nan buska refugio.
Tambe a bisa na outoridatnan lokal pa nan ta prepará pa evakuá e hendenan den áreanan di alto riesgo.
Sarika, ku ta hiba nòmber di un para kantadó di Camboya, a asotá nort di Filipina djadumingu, kaminda el a laga dos morto i obligá 150.000 persona na desplasá for di e lugá.
