WILLEMSTAD – Polis a kaba di informá ku awe oranan trempan di mainta , a risibí informashon ku e hòmber víktima di e hinkamentu ku a tuma lugá dia 10 di novèmber último den Balaoestraat a fayesé na C.M.C. Ta trata aki di Elvio Francisco Penijn, nase na Kòrsou dia 17 desèmber 1938. Riba e día awor fatal aki polis a keda dirigí ku urgensia na e kaya menshoná despues di a risibí informashon di un kaso di hinkamentu ku a tuma lugá, kaminda mester tin dos persona heridá.Na yegada di e unidat nan a topa ku un hòmber drumí den un plas di sanger, ku un hinká na su lomba i un dama sintá den un stul ku un hinká na su barika. For di investigashon ku polis a hasi na e sitio a resultá ku tabatin un problema familiar ku a terminá den hinkamentu, kaminda un yu a hinka su tio i su mama. Na e sitio polis a detené e hòmber sospechoso M.P., nasé na Kòrsou di 37 aña di edat.

 

LAGA UN KOMENTARIO

Please enter your comment!
Please enter your name here